6 қараша күні Нұр-Сұлтан қалалық мектептерінің арасында футболдан жарыс өтті. Қ. Мұхамедханов атындағы №90 гимназия ұйымдастырған жарысқа 20 команда қатысып, өзара play off түрінде бақ сынасты. Ең соңында іріктеліп, озып шыққан командалар Елбасы күніне орай 1 желтоқсанда өтетін республикалық жарысқа жолдама алмақ.
Ойын барысында мықты командалар үздік шабуыл, мықты қорғаныс, ұрымтал тойтарыс қатарлы керемет тактикалық тәсілдермен матчтың көркін қыздырды. Күн ұзаққа соқылған жарыс қорытындысында №90 гимназия командасы 2-орынға қол жеткізді. Ал команда мүшесі Сайын Әбдірахман қазылар тарапынан үздік қақпашы деп танылды. Біз гимназиямыздың дене шынықтыру пәні мұғалімі Бақытбек Әмірханұлы жаттықтырған командаға алда да үздік жеңістер тілейміз.
