Мектебімізде “Педагогтердің әлеуетін көтеруде кәсіби тәжірибесін жетілдіру” тақырыбында қалалық семинар өткізілді. 
Осы семинардың “Біртұтас тәрбие” бағдарламасының негізінде тәрбие сағаттары өткізілді. 
“АБАЙ” кітапханасы №42, 77 мектеп-гимназиясының кітапханашыларымен бірігіп, тәрбие сағатын жүргізді. 
Іс-шараны № 90 гимназия кітапхана меңгерушісі Гүлнәр Шәкизақызы “READx: Мен оқыған бір кітап” (“ПОПС”формуласымен қорытындылау) бойынша бастады. Алдымен қатысушылар “Доп қағысу арқылы сұрақтарға жауап беру” сергіту жаттығуын жасады. 
“READx” жобасымен 1) 11”А”сынып оқушысы Дауыл Айдидар С.Досжан “Ауылдан шыққан миллионер” кітабын; 2) 10”Ә”сынып оқушысы Болат Әлижан Ұ.Дәлейұлының “Хат бармайтын қыстақ” кітабын; 3) 10”А” сынып оқушысы Мұхтар Оразәлі Қ.Естек “Бақытты отбасы” кітабын “ПОПС” формуласымен қорғап шықты. Қатысушылар “ОҚИМЫН”, “ОЙЛАНАМЫН” рефлексия әдісімен кері байланыс жасап отырды. 
Жобаға қатысқан спикер – оқушылар Алғыс хаттармен марапатталды. 
№77 мектеп-гимназиясының кітапхана меңгерушісі Алма Байтугелқызы “QAZAQWA QUIZ” бойынша қатысушыларды 3 топқа бөліп, сұрақтарға жауап алды. Жеңген топтар марапатталды. №42 мектептің кітапхана меңгерушісі Нұрсәуле Бірәліқызы өз кезегінде “Ұлттық құндылық” квест ойынын ұсынды. Қатысушылар асық үйіру арқылы арнайы сұрақтарға жауап берді. Салт-дәстүрге байланысты қойылған сұрақтарға дұрыс жауап берген ойыншы өз сыйлығын иеленді. Мектепаралық байланыс, тәжірибе алмасу мақсатында өткізілген семинарда Кітапханашылар бірігіп өткізген іс -шара қатысушылардың көңілінен шығып, “Өте жақсы” деген бағаға ие болды.
